Linja hekurudhore që lidh Shkodrën me Hanin e Hotit është kthyer në rrezik për jetën e banorëve të zonave që përshkon.
Hyrje-daljet për në fshatra, të cilat ndërpresin trasenë, nuk kanë asnjë element sigurie apo sinjalizues në momentin kur kalon treni.
Dëshmi e vetme kanë mbetur kabinat e rrenuara, ku dikur qëndronin rojet, trarët e dëmtuar apo ndonjë shkrim paralajmërues nga banorët që kërkojnë ndërhyrje.
Frika më e madhe është për fëmijët, pasi një pakujdesi mund të shkaktojë tragjedi.
Linja Ndërkombëtare që lidh shkodrën me Hanin e Hotit, aktualisht shfrytëzohet vetëm nga treni i mallrave, ndërsa është paralajmëruar rehabilitimi i plotë.
