457 afganë kanë mbërritur në Shqipëri përmes 5 fluturimeve.
Disa prej tyre janë akomoduar në Durrës e pjesa tjetër në godinat e Qytet Studentit.
Siç shihet në një video të siguruar nga Ora News, duket se afganët kanë harruar tmerrin në vendin e tyre dhe mjaft të qetë qëndrojnë në oborrin e godinës së Qytet Studentit.
Duket se rreth godinës është vendosur një shirit nga policia, por megjithatë kjo nuk i ka penguar fëmijët të luajnë dhe të shijojnë pasditen e tyre të dytë në vendin tonë.
Mësohet se aktualisht në Qytetin e Studentit janë akomoduar se 288 afganë. Shumica mes afganëve janë veprimtarë të shoqërisë civile, mësues , e gazetarë.
Në ditët në vijim pritet që Shqipëria të presë ë tjerë afganë të cilëve u është ofruar statusi i mbrojtjes së përkohshme.
