Një aksident i rëndë ka ndodhur mbrëmjen e sotme në Elbasan.
Raportohet se një i moshuar ka mbetur i plagosur, ndërsa aksidenti është regjistruar rreth orës 19:50, në aksin rrugor Elbasan-Metalurgji, në fshatin Katundi i Ri.
"Një mjet i paidentifikuar ka aksidentuar këmbësorin shtetasin B.M., rreth 80 vjeç, banues në fshatin Katundi i Ri, Elbasan, i cili ndodhet nën kujdesin e mjekëve, jashtë rrezikut për jetën", bën me dije policia.
Grupi hetimor po punon për identifikimin dhe kapjen e drejtuesit të mjetit.
