Ish-nënkryetari i LSI, Luan Rama thotë se opozita dhe LSI janë përgjegjëse për rezultatin e zgjedhjeve të 25 prillit.
Lidhur me vendimin për largimin nga çdo post drejtues i LSI, Luan Rama tha se qëndrimin ia ka bërë me dije edhe kryetares Monika Kryemadhi, e cila e ka mirëkuptuar.
Rama tregon se nuk e njoftoi Ilir Metën për largimin nga partia. Ai thotë se s’ka patur asnjë komunikim me Presidentin teksa e falenderon pasi thotë se pa të nuk do të kishte arritur shumë gjëra.
“Me zonjën Kryemadhi kam komunikuar më parë. Ia kam bërë të njohura me detaje arsyet e largimit dhe i kam kërkuar të më mirëkuptojë dhe ajo është shprehur me korrektesë se më mirëkupton”- u shpreh ai.
Pjesë nga intervista në News24
Si janë marrëdhëniet me Metën?
Marrëdhëniet që ka çdo qytetar me Presidentin apo kryetarin e Shtetit.
Çfarë ka ndodhur me Metën? U fol për një grindje me të, s’keni asnjë foto?
Nuk kishte arsye të shfaqeshim bashkë. Vinte si President i Republikës. Unë isha i angazhuar politikisht në një fushatë. Kam respektuar distancën partiake, nuk ndjeja nevojë, nuk gjendesha i tunduar nga presioni për të qenë në krah të Presidentit. Apo që Meta të ishte pjesë e fushatës sime. Unë e respektoj me shumë seriozitet distancën që duhet të ketë Presidenti nga subjektet zgjedhore.
Nuk ma ka thënë asnjëherë, e kam dëgjuar nga thashethemet. Nuk më ka impenjuar, nuk më ka shqetësuar. S’kam nga ta di unë. Pyesni Metën.
