Policia Bashkiake ka parandaluar një 57-vjeçar që të kryejë vetëvrasje.
Gjatë kontrollit rutinë të territorit në Njësinë Bashkiake 4, efektivët e Policisë Bashkiake konstatuan se në rrugën “Spiro Çipi” në Tiranë, një person në gjendje të rënduar psikologjike po tentonte të hidhej nga ballkoni i banesës.
Falë ndërhyrjes së shpejtë të efektivëve të Policisë Bashkiake, u bë i mundur neutralizimi i tij. Më pas, Policia Bashkiake ka njoftuar ambulancën dhe kolegët e tyre të policisë së shtetit për veprimet e mëtejshme.
Krahas punës së saj të përditshme për kontrollin e territorit, në jo pak raste policia bashkiake ka parandaluar ngjarje të tilla duke shpëtuar jetë.
