Një banesë në katin e 10-të të një pallati në Lezhë, është përfshirë nga flakët pasditen e sotme.
Dyshohet se zjarri është shkaktuar nga një rrjedhje e gazit, ndërkohë që në bazë të informacioneve paraprake raportohet vetëm për dëme materiale.
Njoftimi i policisë:
Lezhë/Informacion paraprak
Rreth orës 19:20, në rrugën “Shtraus ” Lezhë, ka rënë zjarr në banesën e shtetasit V.K., ku ka vetëm dëme materiale.
Shërbimet e Policisë dhe të zjarrfikses ndodhën në vendngjarje dhe kanë bërë të mundur fikjen e zjarrit.
Grupi hetimor punon për sqarimin e plotë të rrethanave të ngjarjes dhe përcaktimin e shkakut të rënies së zjarrit.
