Zbardhen të tjera detaje nga takimi i kreut të PD, Lulzim Basha me Kolegjin e Kryetarëve.
Syri mëson se kryetarët e degëve i kanë thënë Bashës se nëse Sali Berisha vjen në bazë, demokratët do ta presin.
Ata e kanë pyetur Bashën se nëse Berisha i kërkon të pijë kafe, a do e takonte. Basha është përgjigjur pozitivisht. 'Edhe demokratët kështu do veprojnë,' i kanë thënë kryetarët e degëve.
Kujtojmë se më herët u raportua se krerët e degëve i kanë kërkuar që të zbresë në bazë, por Basha ka refuzuar. Ai ka vazhduar të fshihet, duke deklaruar se dalja në bazë nuk është produktive.
Pasi kryetarët e degëve thanë se Basha duhet të dalë para demokratëve dhe të sqarojë pse vendimi nuk ishte kolegjial, ai vazhdoi të fshihet.
Refuzimi i Bashës për të dalë para demokratëve në bazë vjen në kohën kur ish- kryeministri Sali Berisha ka premtuar lëvizje në bazë. Frika e Bashës për të dalë para bazës buron nga fakti se druhet se do përballet me episode si ai i djeshmi. Kujtojmë se Basha u prit nga mbështetësit e PD me thirrjet: Turp dhe tradhtar.
