Një grua shtatzënë ka vdekur pasi u infektua me COVID-19 në Shqipëri.
Burimet thonë se ajo ishte në muajin e katërt të shtatzënisë dhe se ishte në reanimacion prej dy ditësh.
Ajo mësohet se mbërriti në gjendje kritike për jetën në spital, e pavarësisht ndërhyrjes së mjekëve, nuk mundi të mbijetonte.
Një ditë më parë, autoritetet njoftuan se në 24 orë, 17 persona humbën jetën si pasojë e virusit, ndërsa u shënuan 680 raste të reja.
Në spitale po marrin trajtim 155 pacientë, nga të cilët 21 janë në gjendje më të rënduar.
