Ish-anëtari i Këshillit Kombëtar të Partisë Demokratike, Indrit Hoxha, ka komentuar vendimin e një dite më parë të kreut të PD-së Lulzim Basha për shkarkimin e Flamur Nokës si nënkryetar i Komisionit të Sigurisë dhe paralajmërimin e tij për përjashtim nga grupi.
Në një intervistë për Ora News, Hoxha shprehet se vendimet që merr Basha tashmë nuk i habisin, ndërsa shton se pas Berishës, Basha bën shkarkime për shkak të frikës që e ka zënë.
Indrit Hoxha: Asnjë lloj vendimi që çdo natë merr Basha, nuk na habit më. Kjo që pas përjashtimit të Berishës. Shkarkimet e tjera Basha i bën për shkak të frikës që e ka zënë dhe është ngujuar në zyrë për gati rreth një muaj. Mund të jetë i vetmi Kryetar opozite në botë që pasi ka humbur 4 herë zgjedhjet nuk del dot të takojë anëtarësinë e PD, por as qytetarët që ngrihen në protestë nuk e presin më Kryetarin e opozitës. Basha ka humbur reputacionin. Vendimet e tij janë gjithmonë personale. Përpara Nokës është hequr dhe Bylykbashi.
Ai thotë se Basha është ‘krye llumi’ i partisë, ndërsa thekson se kryetari i opozitës i ka futur një thikë pas shpine të përndjekurve politik, duke vendosur në krye të partisë Jonila Godolen që sipas ti nuk ka lidhje me shtresën e të përndjekurve.
Indrit Hoxha: Të gjithë ata që kanë dinjitetin që t’i thonë gjërat ashtu siç janë, Basha nuk i do afër këta njerëz dhe mundohet t’i largojë. Kjo është arsyeja pse Berisha ka nisur turin e tij të foltoreve. Ky i ka futur një tjetër thikë pas shpine sidomos të përndjekurve politik brenda PD. Ka emëruar në krye të departamentit një person që nuk ka asnjë lidhje me shtresën e të përndjekurve. Vjen si vajza e një ish-funksionari të lartë të partisë komuniste. Basha është kryellumi i PD, po e shkatërron partinë, nuk janë demokratët as qeverisjen e PD. Në 30 vite biem dakord që në qeverisjen e Berishës janë bërë realizime.
Hoxha thotë se shumë deputetët të tjerë do i bashkohen foltoreve të Berishës, ndërsa shton se Basha ka interesa personal në Partinë Demokratike.
Më tej Hoxha thotë se Basha ka çështje të hapura me drejtësinë amerikane.
Indrit Hoxha: Basha ka pasur një sinjal për deputetët por harron se PD është krijuar si partia e lirisë. do të ketë shumë deputetë do i bashkohen foltores së Berishës. Pothuajse të gjithë baza e PD i është bashkuar foltores.
Basha ka interesa personal në PD. Nëse ka sot një politikan shqiptar që ka një çështje të hapur me drejtësinë amerikane, është sërish Basha.
