Deputeti i Partisë Socialiste Erion Braçe ka reaguar për protestën e banorëve që u mblodhën këtë të shtunë pas vendimit të ARRSH për të mbyllur pikën e njohur me emrin ‘pushimi i shoferit’ në autostradën Lushnjë-Fier.
Braçe në postimin e tij akuzon autoritetet që vendosën të bllokonin kryqezimin e njohur si “Pushimi i Shoferit”.
“Dje #SHTETI, policia ja beri te lehte vetes te menaxhoj trafikun ne autostraden #LUSHNJEFIER dhe, te veshtire e me kosto shtese popullit, popullit te bujqesise”, shkruan Braçe.
Deputeti socialist e përsërit edhe një herë në reagimin e tij se “jam i zhgënjyer me policinë”, pasi sipas tij bllokimi ka pasur kosto për qytetarët e zonës.
Ndërsa propozon që të shmanget bllokimi dhe të krijohet një nyje e re “me nenkalime ne cdo drejtim dhe rruget dytesore jane zgjidhja per njerezit”.
“Deri atehere hapja e nyjes nen masa te reja sigurie, horizontale e vertikale duhet te ndodhe. I jam mirenjohes ministres se Infrastruktures qe po merret me zgjidhjen.
Jam i zhgenjyer me policine, menyren e te menduarit ku urdheri tejkalon arsyen, bere te lehte per vete e me kosto per qytetarin”, shkruan Braçe.
POSTIMI I PLOTE
DEGJONI NDONJEHERE!
#PUSHIMIISHOFERIT ESHTE NYJE HISTORIKE (prej 40-50 vitesh minimumi)
MBYLLJA DJE, JA BEN TE LEHTE SHTETIT, POR JO QYTETARIT!
Prej kur lindi, SHTETI FUNKSIONAL PATI SI QELLIM TUA BENTE JETEN TE LEHTE QYTETAREVE; madje qytetaret paguajne per kete.
Por dje jo;
Dje #SHTETI, policia ja beri te lehte vetes te menaxhoj trafikun ne autostraden #LUSHNJEFIER dhe, te veshtire e me kosto shtese popullit, popullit te bujqesise;
Behet fjale per bashkine #Divjake e #Lushnje, njesite Divjake, Gradishte, Remas, Libofshe, Kolonje, Bubullime, Krutje, Allkaj, Fier Shegan; fshatrat Xeng, Mize, Zharnec, Kryekuq, Kamenice, Gur, Mucias, Remas, Karavasta, Bedat, Adriatik, Babunje, Korie, Gungas, Gradishte, Mehalle, Spolat, Mertish, Ferras, Kemishtaj, Senez, Sopez, Goricaj ne njeren ane; Lumth, Gore, Shakuj, Rrapez, Kolonje, Ardenice, Halilaj, Bubullime, Gjonas, Imshte, Eskaj, Kamcisht, Pirre, Bishqethem, Krutje e Poshtme, Krutje e Siperme, Zhym, Lifaj, Fier i Ri, Gjaze, Ngurrez, Rrupaj, Toshkez, Zhelizhan, Mazhaj, Allkaj, Bicakaj, Lifaj i Ri, Delisufaj, Cukas, Fier Shegan, Drenovice, Samatice etj ne anen tjeter.
Vetem nga BLLOKIMI I PUSHIMIT TE SHOFERIT, bujqve prodhues, grumbulluesve, perpunuesve, furnitoreve, por edhe qytetareve xhanem, per PUNE e per nevoja te tyre ju shtohen:
5.4 km nese kthehen ne Saver, 3.8 km nese arrijne te hyjne ne nenkalimin e Shakuj (kamionet jo njehere), 9.2 km nje here, 18.4 dy here ne dite.
E para eshte koha qe iken-ne pandemi e bujqesi koha eshte jetike; e dyta eshte kostoja qe shtohet-me cmime te rritura, kostoja shtese rendon.
Tani;
PROBLEMI ESHTE RRUGA, NDERTUAR NE 2007-ten NGA NJE KOKEBOSH, GABIM DHE E RREZIKSHME!
Me mbikalime lene ne ajer dhe pa rruge dytesore.
Por pas 14 vitesh Kokeboshi nuk eshte shfajesim dhe bllokimi nuk eshte zgjidhje;
Nje nyje e re me nenkalime ne cdo drejtim dhe rruget dytesore jane zgjidhja per njerezit.
Deri atehere hapja e nyjes nen masa te reja sigurie, horizontale e vertikale duhet te ndodhe.
I jam mirenjohes ministres se Infrastruktures qe po merret me zgjidhjen.
Jam i zhgenjyer me policine, menyren e te menduarit ku urdheri tejkalon arsyen, bere te lehte per vete e me kosto per qytetarin.