Një 40-vjeçar është gjetur pa shenja jete nga punonjësit e OSHEE brenda një kabine elektrike në rrugën “Bab Rexha” në kryeqytet.
Shkak i vdekjes dyshohet se është bërë kontakti me rrymën elektrike.
“Paraprakisht dyshohet se ky shtetas kishte hyrë brenda kabinës elektrike për të pushuar, dhe dyshohet se ka rënë në kontakt me rrymën elektrike dhe për pasojë ka humbur jetën”, thuhet në njoftimin e policisë.
Megjithatë grupi hetimor ndodhet në vendngjarje dhe po punon për sqarimin dhe zbardhjen e rrethanave të saj.
