Nga "Foltorja" e Pogradecit pasditen e djeshme, ish-kryeministri Berisha bëri me dije se janë mbledhur 4200 firma për Kuvendin Kombëtar he do të dorëzohen ditën e sotme, 10 nëntor.
Ai shtoi se në Kuvend, përpos këtyre firmave, do të vijnë edhe mbi 10 mijë demokratë dhe do të mbahet festa më e madhe e rikthimit të partisë.
Por, Doktori nuk i ndal "Foltoret" deri në rikthimin e sovranitetit të PD-së siç e quan ai.
"Foltorja" e radhës do të mbahet në Sarandë më 12 nëntor.
Ish-lideri njofton se takimi do të zhvillohet në orën 17:00 tek Hotel "Mediterrane" Sarandë.
"Për një Parti Demokratike më të bashkuar, më të fortë, më të hapur," Berisha fton demokratët e Sarandës të marrin pjesë.
