Një aksident është regjistruar mbrëmjen e sotme në aksin Fushë Krujë –Vorë, ku si pasojë dy persona kanë mbetur të plagosur.
Policia bën me dije se mjeti tip "Volkswagen" me drejtues shtetasin G. X., është përplasur me mjetin tip "Benz" me drejtues shtetasin F. K.
Ndërkohë një familjar i njërit prej personave që ishte përfshirë në aksident, ka tentuar të afrohet në vendngjarje dhe është askidentuar nga një tjetër mjet me drejtues shtetasin Gj. U.
Si pasojë e përplasjes janë dëmtuar këmbësori shtetasi R. Z., dhe pasagjerja që ndodhej në mjetin tip "Benz", të cilët ndodhen nën kujdesin e mjekëve.
Drejtuesit e mjeteve janë shoqëruar në ambientet e Policisë, për veprime të mëtejshme.
Grupi hetimor po vijon punën për sqarimin e rrethanave të aksidentit.
