Armando Dumani 26-vjeç u vra sonte me armë zjarri teksa po udhëtonte si pasagjer në automjetin tip “Audi A8” që drejtohej nga Erigers Mihasi i cili po ashtu mbeti i vrarë, gjatë atentatit të ndodhur mbrëmjen e të shtunës në zonën e Astirit në kryeqytet.
Mësohet se Dumani me origjinë nga Vlora ishte mik i ngushtë me Erigers Mihasin.
Në vitin 2012 Dumani ka qenë i arrestuar bashkë me disa persona të tjerë për një sërë grabitjesh në banka të ndryshme.
Asokohe banda e tyre u kthye në “makth” për bankat, deri në shkatërrimin e saj nga policia.
