Avokati Spartak Ngjela ka reaguar ndaj Sali Berishës pas ngjarjeve dje në PD.
Përmes një postimi në Facebook, ai e ka pyetur se pse e la fushëbetejën dhe iku nga selia e PD-së, pse nuk i mori zyrtarët me dhunë, përcjell Bota sot.
Ai ka thënë se Berisha hyri i gëzuar por iku i frikësuar pasi aty brenda pa shenjat e supërfuqisë dhe tani nuk ka çfarë të bëjë.
Ai ka thënë se pritet për tu parë nëse SPAK do të nisë procesin penal kundër Saliut.
Postimi i tij i plotë në Facebook:
Pse e la Berisha fushëbetejën dje dhe iku nga selia e Partisë Demokratike me bisht ndër shalë ?
Pse nuk i mori dot zyrtarët e Partisë Demokratike me dhunë, pasi hyri brenda Selisë për t'i marrë ato? Ai kështu na kishte thënë.
Saliu ishte shumë i gëzuar kur hyri për të marrë selinë e Partisë Demokratike, por pse iku gjithë frikë?
E dini pse?
Sepse aty brenda pa shenjat e superfuqisë.
Po tani që i pa këto shenja, çfarë do të bëje Saliu?
Asgjë më. Aty e kishte Selinë, pse nuk e mori?
Sipas të dhënave të mia, në Shqipëri janë edhe 1800 ushtarakë rusë në ndihmë të Saliut, pse nuk e mori Selinë?
E thamë: ai iku i trembur, sepse pa aty brenda shenjat e superfuqisë.
Ke humbur Sali; kurse Basha të akuzoi për krimet që ke kryer. Më mirë vonë, se kurrë!
Po Basha, që e akuzoi Saliun kaq vonë, e kishte të vetin këtë akt, apo ia kërkoi superfuqia?
Këtë duhet ta dijë Saliu më mirë, sepse ai iku nga fushëbeteja me bisht ndër shalë.
Po SPAK-u, a i ka denoncuar krimet që përmendi Basha?
Sigurisht që i ka denoncuar ato, por edhe krime të tjera më të rënda.
Por, a do ta nisë SPAK-u procesin penal kundër Saliut?
Kjo pritet për t'u parë. Por SPAK-u nuk duhet të vonohet, se forcën e superfuqisë nuk e ka parë vetëm Saliu.
Të shohim këto ditë sesi do të vijojnë ngjarjet, por SPAK-u është ngritur për të shpëtuar shqiptarët nga krimi organizuar dhe nga korrupsioni shtetëror i lidhur me të. Do të dalë dot SPAK-u nga kjo kërkesë dhe nga ky motiv historik?!
