Një incident me pasojë plagosjen ka ndodhur pasditen e sotme në stadiumin kombëtar "Air Albania" në Tiranë.
Një punonjës ka rënë nga një lartësi e vogël, sipas policisë, por për fat është jashtë rrezikut për jetën.
"Me datë 18.12.2021, rreth orës 17:50, te stadiumi “Air Albania”, dyshohet se aksidentalisht ka rënë nga një lartësi e vogël, shtetasi H. M., 40 vjeç, i cili ishte duke punuar," njofton policia.
Si pasojë ky shtetas është dëmtuar dhe ndodhet në spital nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes.
