Sali Berisha u fut me dhunë sot në selinë e PD-së dhe pas konferencës për media u largua. Kjo ishte hera e tretë që ish-kryeministri shkonte në seli.
Por çfarë do të ndodhë nëse e njëjta gjë që ndodhi sot do të përsëritet sërish në ditët në vazhdim?
Lulzim Basha tha se PD-ja i ka gati skenarët.
“Sali Berisha është e shkuara. PD i ka gati të gjithë skenarët për t’u përballuar me çdo situatë. U bëj thirrje autoriteteve të veprojnë mbi pjesëtarët e krimit të organizuar. Kanë material për vepra penale në Shqipëri, e vërtetë dhe e sigurt është që ka për në Britaninë e Madhe, Fatjon Dautaj është një figurë e skeduar. Dyert e kësaj partie do të jenë të hapura për të gjithë demokratët për betejën për njerëzit”.
