Sot shënohet 109-vjetori i krijimit të Policisë së Shtetit. Me një urim për ditëlindjen e Policisë së Shtetit e ka nisur mëngjesin e sotëm kryeministri Edi Rama.
“Mirëmëngjesi dhe me përulje para kujtimit të dëshmorëve të saj si edhe respekt për të gjithë kontribuuesit e saj, në këtë ditëlindje të Policisë së Shtetit, ju uroj një ditë të mbarë”, shkruan kryeministri në rrjete sociale.
Paraditen e sotme, në ambientet e Drejtorisë e Përgjithshme të Policisë së Shtetit, do të zhvillohet një ceremoni simbolike me rastin e ditëlindjes së policisë së shtetit.
Rrugëtimi 109-vjeçar i Policisë së Shtetit përputhet me pikat kyçe të historisë së Shqipërisë, duke filluar me shpalljen e Pavarësisë, deri në ditët e sotme.
