Partia Demokratike ka reaguar lidhur me deklaratat e sotme të ish-kryeministrit Sali Berisha nga Foltorja e Vaut te Dejës, se Basha është i përfshirë në aferën e Portit të Durrësit me Ramën.
PD shkruan se shpifjet dhe gënjeshtrat e Berishës vazhdojnë dhe se ai mund të dalë dhe të thotë se Basha ishte përgjegjës edhe për '97-tën.
PD shton se këto shpifje bëhen sepse Sali Berisha është i shpallur non-grata për korrupsion dhe se nëse zgjedh Ramën mban edhe Berishën.
PD: Shpifjet vazhdojnë. Ditë e re, gënjeshtër e re. Javën tjetër Berisha do thotë se Basha ishte përgjegjës edhe për '97! Gjithë këto gënjeshtra dhe shpifje bëhen sepse Sali Berisha është i shpallur non-grata për korrupsion. Mos harroni! Zgjidh Ramën dhe mban Berishën! Zgjidh Berishën dhe mban Ramën!
