Forcat e NATO-s në Letoni kanë publikuar pamje nga një stërvitje me armë të rënda që kanë kryer gjatë ditës së sotme ushtarët nga shtetet e ndryshme të aleancës të pozicionuara në kampin “Adazi” ku ndodhen edhe ushtarët shqiptarë.
Faqja e tyre e Facebook ka publikuar foto nga qitjet me topa të mëdhenj 155 mm duke shkruajtur “ndonjëherë duhet të nxjerrësh edhe armët e rënda”, ndërsa falenderon ushtarët malazez dhe ata slloven për perfomancën e treguar.
“Trajnime si ky i lejojnë grupit tonë të përmirësojë aftësitë, të rrisë kohezionin dhe të bëhet më i forte”, shkruhet në faqen e forcave të NATO-s në Letoni.
Prej disa vitesh, pasi Rusia filloi të kërcënojë Europën, NATO ka dërguar forca të shumta në shtetet kufitare të saj si Letonia dhe Polonia për t’iu përgjigjur provokimeve. Pjesë e trupave në Letoni janë edhe forcat shqiptare që shërbejnë me ekipin e çmontimt të minave.
