Partia Demokratie padit Kuvendin e Shqipërisë në Gjykatën Kushtetuese lidhur me caktimin e anëtarëve të Këshillit të Lartë të Prokurorisë.
Sipas PD, anëtarët e KLP janë të paracaktuar nga mazhoranca socialiste.
“Kuvendi shkeli Kushtetutën dhe ligjin në zgjedhjen e anëtarëve të Këshillit të Lartë të Prokurorisë, duke bërë proces fiktiv shorti, ku për dy vende vakante në “short” u hodh vetëm një kandidat!”, thuhet në reagimin e Sekretarit të Përgjithshëm të PD, Gazment Bardhi.
REAGIM I SEKRETARIT TË PËRGJITHSHËM TË PD, GAZMENT BARDHI
Mazhoranca paracakton anëtarët e Këshillit të Lartë të Prokurorisë. Kuvendi shkeli Kushtetutën dhe ligjin në zgjedhjen e anëtarëve të Këshillit të Lartë të Prokurorisë, duke bërë proces fiktiv shorti, ku për dy vende vakante në “short” u hodh vetëm një kandidat!
PD do të ankimojë në Gjykatën Kushtetuese vendimin e sotëm antikushtetues. Drejtësia e pavarur është element kyç për shtetin ligjor.
