Ish kreu i PD së Kukësit, Ibsen Elezi ka reaguar ndaj të gjithë zërave që kërkojnë largimin e Lulzim Bashës nga kryetar i PD.
Në një reagim në rrjetin social Facebook, Elezi shkruan se Basha nuk është më kryetar i PD, që nga Kuvendi i 11 dhjetorit ku u shkarkua nga 5 mijë delegatë, që më pas u pasqyrua në referendumin e datës 18 dhjetor.
Ai shton më tej se: “Lulzim Basha është i shkarkuar, por është i lirë të rikandidojë dhe të provojë veten se sa mbështetje ka në anëtarësi”.
“Basha të jap dorëheqje?!
Jo vetëm të tijët por edhe ca të foltores i thonë jep dorëheqje.
O milet, e ka shkarkuar kuvendi i datës 11 dhjetor 2021 dhe referendumi, mos jua çoni mundin dëm atyre 5 mije delegatëve dhe 44 mijë demokratëve.
Rezultati i 6 marsit konfirmoi se shumica ishte në kuvendin e datës 11 dhjetor dhe se kuvendi i datës 18 dhjetor ishte manipulim.
Kjo ishte e dukshme që atëherë, por 6 marsi i mbylli gojën çdo maskarai dhe çdo miopi.
Lulzim Basha është i shkarkuar, por është i lirë të rikandidojë dhe të provojë veten se sa mbështetje ka në anëtarësi”, shkruan Elezi
