Kryeministri Edi Rama është kthyer nga Dubai dhe ka nisur të flas për rritjen e çmimit të naftës, në një kohë kur vendi po zien nga protestat.
Në një dalje live në Facebook, Rama e ka shmangur përgjegjësinë nga shteti, teksa ka kërkuar nga qytetarët që të mos jenë të ndarë përball fakteve por të bashkuar.
“Në situata të tilla problemi themelor është bashkimi tek e vërteta dhe faktet. I kam ndjekur me vëmendje reagimet tuaja që nga dita kur folëm me fakte për krizën energjitike. Çmimi i naftës është rritur duke rritur edhe shqetësimin.
Disa kanë bërë ironi dhe përqeshje me këtë për çfarë bashkimi flet ti je sipas tyre në rehatinë tënde jemi ne që e hamë goditje etj. Nëse unë do të isha në rehatinë time nuk do isha në këtë detyrë. Unë jam njeriu i fundit që i pores me qetësi rritjen e çmimeve. Mbase është e nevojshme të shpjegohet mirë se çështë bashkimi. Ne mund të jemi të ndarë për opinionet por jo të ndarë për faktet”, tha Rama.
