Lulzim Basha jep dorëheqje nga pozita e kryetarit të Partisë Demokratike

Pas vendimit të Lulzim Bashës për të dhënë dorëheqjen nga kreu i PD, grupi parlamentar ka nisur mbledhjen me sekretarin e përgjithshëm dhe dy nënkryetarët.

Deputetët që janë aktualisht në mbledhje në selinë e PD janë: Enkejeld Alibeaj, Gazment Bardhi, Jorida Tabaku, Arbi Agalliu, Ina Zhupa, Eralda Tase, Ilda Dhori, Lindita Metaliaj, Dhurata Cupi, Zheni Gjergji, Kreshnik Collaku, Saimir Korreshi, Greta Bardeli,Dash Sula, Selaudin Jaupllari, Kastriot Piroli.

Mbledhja po drejtohet nga kryetari i grupit parlamentar Enkelejd Alibeaj, i cili lexoi para kolegëve një draft deklaratë për qëndrimin e grupit PD për situatën e krijuar:

1. Grupi parlamentar i PD vlerëson aktin e dorëheqjes se kryetarit të PD në funksion të zgjidhjes së problematikës, që ka shkaktuar një përçarje të thellë nga qendra në bazë.

2. Grupi parlamentar i bën thirrje anëtarëve të pezulluar të grupit të PD që të ofrojnë të njëjtin mekanizëm për tërheqjen e zotit Berisha, që duhet të distancohet nga vendimmarrja në PD, duke u bërë pjesë e zgjidhjes për të shmangur përçarjen dhe për të bërë të mundur bashkimin e demokratëve. Kërkojmë respektimin e vlerave dhe parime e statutore të PD për shmangien e pasojave të deklaruara publikisht nga SHBA.

3. Grupi parlamentar shpreh gatishmërinë për të negociuar me anëtarët e pezulluar të grupit parlamentar për të gjetur një zgjidhje të pranueshme që sjell ndërprerjen e menjëhershme për t’i dhënë fund përçarjes dhe për t’i hapur rrugë bashkimit. Grupi ngarkon strukturat përgjegjëse për të kërkuar një grup ndërmjetësimi për të lehtësuar komunikimin me një zgjidhje afatgjatë dhe të pranueshme.

4.Grupi parlamentar vlerëson se pas realizimit të dakordësisë për pikat e mësiperme, i hapet rruga mundësisë për gjetjen e një mekanzimi konsensual në konsultim me institucionet e e tjera të partisë me funksion kryesor.

A-Ndërmarrjen e një fushate ndërgjegjësuese në bazë për qëllim bashkimin e demokratëve;

B-Përgatitjen e partisë për zgjedhjet lokale dhe riorgazimin e partisë në bazë. (Pra zgjedhje në bazë dhe fushatë);

C- Përgatitjen e kushteve të nevojshme për organizimin e zgjedhjeve në të gjitha strukturat drejtuese në qendër menjëherë pas zgjedhjeve lokale.

Lulzim Basha ka folur para krerëve të degëve, pasi dha dorëheqjen si kryetar i Partisë Demokratike.

Gjatë fjalës së tij, Basha tha se PD do të ecë përpara duke qëndruar krah aleatëve dhe duke u zbatuar statuti i partisë.

Basha shtoi se u rrëzua propaganda më e ma dhe që supozohej se mbante partinë peng, apo ishte i shitur tek qeveria.

Lulzim Basha: Përpara ecet duke marrë anën e votuesve. Duke qëndruar në krah te aleatëve. Grupi parlamentar ka marrë një qëndrim dhe do të behet publik. Partia ka statut. Do ta zbatoje atë. Kemi rrëzuar propagandën më të madhe, që unë po mbaja partinë peng, i shitur tek Edi Rama. Duhet të nisim me ringritjen e partisë. Ndërkohë që grupi të qëndrojë i bashkuar në betejë në parlament pa pasur dilemë se betejën po e bën për kryetarin. Po e bën për demokratët.