Kryeministri Edi Rama i është përgjigjur Komisionit të Rithemelimit në lidhje me akuzat për projektit të sheshit të Flamurit në Vlorë.
Rama me ironi e quan grupimin e Berishës si “foltorexhinjtë”, ndërsa shton se ata nuk dinë të bëjnë gjë tjetër “përveç përshesheve me baltë”. Sipas Ramës, sheshit i Flamurit do të jetë një tjetër projekt spektakël në Vlorën e rilindur.
“Më thonë qenkan revoltuar foltorexhinjtë e Vlorës se dashkan transparencë për projektin e Sheshit të Flamurit! U duket kolonata si stacion autobusësh e duan shembjen e hotelit të tyre fantazmë, që arkitekti i famshëm belg e kthen në qendrën më të madhe social-kulturore të vendit!
Nuk u ve faj se as nuk dinë as nuk bëjnë dot gjë tjetër përveç përshesheve me baltë, po Sheshi i Flamurit do të jetë një tjetër spektakël urban në Vlorën e Rilindur, që mezi pres ta shoh të realizuar me gjithë qendrën social-kulturore, e cila do t’i japë Vlorës një përmasë të re!” shkruan Rama.
