Lideri historik i demokratëve. Sali Berisha, ka raguar mbi qëndrimin e fundit të kancelarit gjerman, I cili gjatë konferencën me Edi Ramën tha se ai njeh vetëm Procesin e Berlinit, jo imitimin e tij, të quajtur nga liderët ballkanikë si Ballkani i Hapur.
“Një qëndrim në interes të shqiptarëve, paqes, stabilitetit dhe integrimit të rajonit, – ka konsideruar Berisha atë që pohoi Scholz, duke vijuar më tej: – Te dashur miq, dje në një konferencë shtypi me Edi Ramën, Kancelari i Gjermanise Olaf Scholz shprehu:
1- Mbështetjen e vendit të tij për hapjen e negociatave me Shqipërinë dhe integrimin e saj në BE.
2- Mbështetjen e procesit të Berlinit dhe tregut të përbashkët rajonal në kuadër të këtij procesi.
3- Refuzimin e prerë të Ballkanit të Hapur, aleancës trilaterale Beograd-Tiranë-Shkup të Aleksander Vuçiç si projekt i hegjemonise serbe në rajon.
Miq, ju ftoj të përshendësim këto qëndrime si interesi më i mirë i shqiptarëve, paqes, stabilitetit dhe integrimit në rajon dhe përgjigja më e merituar ndaj projekteve aventureske të serbomadhisë, të presidentit ultranacionalist serb Vuçiç dhe klikave të tij vasale, Rama-Zaev në Tiranë dhe Shkup”.
