Një 35-vjeçar që tregtonte celularë kontrabandë është vënë nën hetim në Tiranë.
Specialistët e Sektorit për Hetimin e Krimit Ekonomik dhe Financiar vunë nën hetim D. R. për veprat penale “Tregtimi dhe transportimi i mallrave që janë kontrabandë”, “Shitja e paautorizuar e kartave sim”, “Fshehja e të ardhurave”, “Mospagimi i taksave dhe tatimeve”, dhe “Shkelja e të drejtave të pronësisë industriale”.
Gjatë kontrollit në biznesin e tij policia gjeti tetë aparate celulare të ndryshëm, për të cilat nuk kishte faturë tatimore.
Sipas policisë, materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
