Merret në mbrojtje oficeri i policisë i përmendur nga Nuredin Dumani.
Oficeri, emri i të cilit nuk bëhet i ditur për arsye sigurie, dyshohet se ishte shënjestra e Nuredin Dumanit, i cili kishte marrë porosi për ta eleminuar.
Efektivi i marrë në mbrojtje ka qenë me detyrë oficer në Elbasan dhe ka hetuar disa nga ngjarjet kriminale atje, përfshirë dhe ngjarjet ku dyshohet se urdhërues i krimeve është Erion Alibej.
Nuredin Dumani ka nxjerrë edhe 100 emra të personave të botës së krimit në Shqipëri, që veprojnë në disa qytete, e një pjesë e këtyre emrave, janë arrestuar dhe shpallur në kërkim me vendim gjykate, ndërsa për pjesën tjetër po punohet për kapjen e tyre dhe janë organizuar disa aksione.
