Deputeti i vetëm shqiptar në Kuvendin e Serbisë, Shaip Kamberi, është pritur në takim nga kryeministri i Shqipërisë, Edi Rama.
“Në Tiranë sot takova Kryeministrin e Republikës së Shqipërisë, Edi Rama dhe Kryetarin e Grupit Parlamentar të PS, Taulant Balla.
I njoftova me kërkesat të cilat në emër të Koalicionit të Shqiptarëve të Luginës së Preshevës ia dorëzuam Presidentit të Republikës së Serbisë”, ka shkruar Kamberi në rrjetet sociale.
Ai ka theksuar se nga Kryeministri Rama ka kërkuar angazhim dhe mbështetje për realizimin e kërkesave legjitime të shqiptarëve të Luginës.
