Aktivistja shqiptaro-amerikane, Evi Kokalari ka reaguar sërish për shpalljen ‘non-grata’ të ish-kryeministrit Sali Berisha.
Përmes një postimi në rrjetet sociale Kokalari shkruan se pas kësaj ‘goditje; ndaj Berishës fshihet Edi Rama dhe George Soros, të cilët sipas saj e shikojnë ish-kryeministrin si pengesën e vetme për ‘Ballkanin e Hapur’.
Postimi i plotë:
Jo të gjithë demokratet, (për një arsye apo një tjetër), janë në mbështetje të Sali Berishës, ama duhet të biem dakort që ka një arsye pse ambasada e MB dërgoj atë letër kryetarit të PDsë.
E kam thënë dhe më parë, kjo s'ka të bëj me ‘korrupsionin’ e Berishës, sepse nëse Britanikët apo DASH s'duan t'ja dinë për korrupsionin aktual të Edi Ramës, atyre as nuk ju bie ndër mënd të pyesin se çfarë ka ndodhur në Shqipëri 10 vjet më parë.
Qartasi, këtu ka një problem tjetër.
Edi Rama dhe George Soros e shikojnë Berishën si pengesën e vetme për projektin Rama-Vucic, ku të dy të mbizotërojnë si perandor në shtetet përkatëse ndërkohë që shtyjnë Balkanin e Hapur.
Që Rama të mbizotëroj për një kohë të gjatë, atij i duhet një popull dele, por 7 korriku tregoi se ky popull, nën drejtimin e Berishës marrin zërin e duhur & dinë të organizohen kundër një qeverie korruptive .
Si e tillë, ata po shfrytëzojnë çdo mjet për të luftuar Berishën sepse në fund të fundit ata se kanë me Berishën, por me popullin, si në Shqipëri dhe në Kosovë. Berisha është thjeshtë pengesa që i ndan nga ju.
Prandaj, të gjithë të djathtët por sidomos ata që nuk e mbështesin Berishën, bëjnë mirë të mbajnë qetësi derisa vendi të dal nga llumi. Kjo nuk është koha për inate & gustot personale. Jemi në luftë me globalistët brënda dhe jashtë opozitës dhe bashkimi është thelbi i suksesit.
