Kryetari i Partisë Demokratike Sali Berisha, ka komentuar pas daljes nga parlamenti, festimet që janë parashikuar të zhvillohen sot në Tiranë për çeljen zyrtare të negociatave me BE-në.
“Ky është një anti-miting, por unë do ta festoj me shqiptarëve të vërtetë dhe jo me nëpunës të paguar që vijnë aty për ruajtur kafshatën e gojës dhe vendin e punës”, tha Berisha.
Më tej ai shtoi se nuk do të vijojë të ndjekë nga salla punimet e Kuvendit pasi do të udhëtonte drejt Mirditës për një takim me mbështetësit.
“Unë ju falënderoj se po nisem për në Mirditë do festoj me mirditorët 100 vjetorin e lidhjes së marrëdhënieve diplomatike me SHBA-të”, zbuloi ish-kryeministri.
