Biznesmeni Behar Muçobega është ndaluar në pikën kufitare të Qafë Botës në Sarandë. Korrespondentja e Panorama, raporton se 40-vjeçari u kthye nga Greqia sot ne orët e para te mëngjesit, ndërsa ishte person ne kërkim prej 1 qershorit te këtij viti pas operacionit te Prokurorisë se Sarandës ku u lëshuan 9 urdhër arreste për zyrtare te ASHK, Bashkisë, biznesmenë e qytetare lidhur me tjetërsimin e 9920 m2 truall ne bregdet.
Behar Muçobega akuzohet per “falsifikim dokumentesh” dhe dyshohet si nje nga përfituesit e një pjese te truallit. Megjithatë vetem brenda pak orësh nga ndalimi, Muçobega ka dale para Gjykatës se Sarandës, ku ndaj tij gjyqtari Shkëlzen Liçaj ka vendosur masën e sigurisë “Arrest ne shtëpi”.
Nga operacioni i 1 qershorit u arrestuan 6 persona dhe u shpallen ne kërkim 3 të tjerë. Gjykata liroi 5 nga te arrestuarit duke vendosur masën e sigurisë “Arrest ne shtëpi” ndërsa në burg ka ngelur vetëm noteri Aleko Anagnosti.
Ne kërkim vazhdon te jete ish-Drejtori i ASHK Sarande Ardian Kola si dhe biznesmeni Bedri Muçobega, vëllai i te ndaluarit te sotëm.
Nga 4 operacione te Prokurorisë se Sarandës dhe SPAK ne 6 muajt e fundit janë lëshuar 20 urdhër arreste për zyrtare, biznesmenë e qytetare. Nga te gjithë këto urdhra vetëm 4 ndodhen aktualisht ne “Arrest ne burg”, 10 janë ne “Arrest ne shtëpi” dhe 6 janë persona ne kërkim.
Nga keto operacione është sekuestruar ne total 10.599 m2 truall dhe nje pallat 7 katesh. Veç këtyre prokuroria mbajti disa kohe nen sekuestro edhe nje zyre noteriale ku grumbulloi dokumentacion lidhur me hetimet.
