Deputetja e Partisë Demokratike, Oriola Pampuri, ka reaguar në lidhje me aksionin e IKMT-së që prishi në shkelje të ligjit dy pishina të “Prestige Resort”.
Përmes një postimi në facebook Pampuri shkruan se kjo është një ngjarje skandaloze dhe dëmton rëndë imazhi e turizmit në vend.
Deputetja e PD-së thekson se veprimet e sotme të instancave shtetërore në kundërshtim me ligjin, tregojnë si Edi Rama i hakërrehet çdo pronari mediash që nuk shkon në linjën dhe favorin e tij.
Postimi i Pampurit:
Mjaft me me lojërat e shëmtuara alla Rama, ku me njërën dore i mban e me tjetren i hedh tej.
Nje shtet ligjor nuk ecen perpara me inate, e kërcënime.
Kjo loje e shëmtuar ka kosto mbi kurrizin e Shqipërisë dhe shqiptareve.
Gjesti i Ramës sot dëmton imazhin e turizmit ne Shqipëri. Sa i përket zaptimit te rërës, tokave, shqyrtoni dokumentacionin, bëni transparence, dhe me pas merrni masa.
Koherenca eshte e rendesishme.
Ngjarja e sotme pranë ‘Prestige Resort” tregoi dhe një herë papërgjegjshmërinë e Edi Ramës, pasi përgjegjshmëria është karakteristikë e rëndësishme për një kryeministër, por totalisht e munguar tek ai, pasi në këto vite bëri shumë mirë pazarxhiun, por jo kryeministrin e vendit. Të ndërhysh në një resort turistik pa bërë transparencë mbi asnjë dokument dhe arsye, pa pritur përfundimin e sezonit, largimin e turistëve që kishin paguar, ndoshta dhe kursimet e një viti për të pushuar aty, besoj se është një gjest skandaloz për dëmtimin e imazhit të turizmit në vend, por dhe mënyrën se si Edi Rama i hakërrehet çdo pronari mediash, kur nuk shkon në linjën dhe favorin e tij.
