Ambasadorja amerikane Yuri Kim zhvilloi sot takime të ndara me kryeparlamentaren Lindita Nikolla dhe zëvendëskryetarin e Kuvendit Agron Gjekmarkaj për të shprehur urimet më të mira për seancën e sapohapur parlamentare, e cila do të diskutojë dhe vendosë një sërë çështjesh të rëndësishme sipas saj.
Kim ritheksoi përgjegjësinë e ligjvënësve për të forcuar demokracinë dhe të luftuar korrupsionin, veçanërisht tani që Shqipëria negocion zyrtarisht anëtarësimin e saj të plotë në BE.
Ambasadorja amerikane do të takohet me liderë të tjerë për të nënvizuar rëndësinë e ndjekjes së ligjeve, zbatimit të rregullave dhe forcimit të institucioneve demokratike.
