Kryeministri Rama gjatë bashkëbisedimit të drejtpërdrejtë me qytetarët dhe gazetarët ka folur për situatën politike dhe aktuale në vend.
Rama është përballur me një pyetje ndaj gazetarit që e ka tensionuar dhe iu ka drejtuar gzetarit duke i thënë që kur përmend Erion Braçen duhet të lash gojën.
Osman Stafa: Sekuestrimi i anijes me tonelata naftë, a ju kanë njoftuar se cilat kompani shqiptare ka qënë porositësja? Kush mban përgjegjësi për thyerjen e embargos. Numri i pakët i nxënësve në vend, a mbani përgjegjësi për këtë situatë, që i keni lënë një mundësi, ikjen. Braçe ka deklaruar se e vetmja mundësi është largimi, ai kërkoi zgjidhje nga qeveria shqiptare.
Rama: Ka një shprehje në shqip që duhet të lash gojën kur përmend dikë, lajeni gojën kur përmendni Erion Bracen. Higjena e gjuhës është një problem shumë i madh. Tani, së pari nëse më pyesni cmendoj unë për Shqipërinë sot, mendoj se nuk ka krahasim me shqipërinë e viteve më parë.
Unë jam krenar për atë që kemi bërë, duan apo s'duan ata që Shqipërinë e duan vetëm për vete e kur nuk e kanë vetë nuk lënë gjë pa bërë. Unë nuk merrem me anije, çështja i takon organeve të drejtësisë, sikur dhe media të bvëjë detyrën e vet dhe të mos përdorë fuqin e saj për të vënë gjoba për autoritetet shtetëore do të ishte një kontribut për ta bërë Shqipërinë dhe më të mirë për të rinjtë.
