Kreu i Partisë së Lirisë, Ilir Meta ka akuzuar kryeministrin Edi Rama se ka pasur për qëllim nxjerrjen në publik edhe të të dhënave për kursimet e shtetasve shqiptarë.
Në një postim në rrjetet sociale, teksa e akuzon Ramën si kryehakerues, Meta kujton kërkesën që u bëri kryeministri bankave që të futeshin në sistemin e e-Albania.
Por sipas Metës, Rama e dinte që ky portal ishte “shqepur”,dhe se qëllimi i errët i kryeministrit ishte “për t’i keqpërdorur këto të dhëna si mjet shantazhi politik”.
“Qëllimi i errët i kryehakeruesit Edi Rama, që u kërkoi bankave të futeshin në sistemin e hakeruar të E-Albania, rezulton se ka qenë nxjerrja në publik e të gjitha kursimeve të qytetarëve shqiptarë, për t’i keqpërdorur këto të dhëna si mjet shantazhi politik”, shkruan Meta në një postim në Facebook.
