Reshjet e dendura të shiut kanë shkaktuar probleme në disa qytete të vendit, kryesisht në pjesën veriore.
Në Shëngjin, makinat dhe këmbësorët kanë hasur vështirësi në lëvizjen e tyre, për shkak se uji ka vërshuar në rrugë.
Moti i keq gjatë natës, ka dëmtuar edhe linjat elektrike, ku si pasojë fshatrat e Zadrimës kanë mbetur pa energji elektrike. OSHEE ka zbritur në terren, ku po punon për riparimin e defektit.
Ndërsa në Dibër, shirat kanë shkaktuar problematika ndërsa segmenti i rrugës Arbrit Bulqizë-Peshkopi ka pak rënie gurësh duke shkaktuar probleme në qarkullimin e mjeteve.
Por probleme janë shfaqur edhe në qytetin e Pukës. Në disa fshatra, si pasojë e prurjeve të përrenjëve janë dëmtuar urat lidhëse, ndërkohë që ka pasur probleme edhe me ujësjellësat të cilat në disa zona kanë dalë jashtë funksionit.