Sali Berisha është shprehur se çdo deputet i grupit të Enkeled Alibeajt ka vendin e vet në Partinë Demokratike, por paralajmëroi se ata që i lejojnë vetes të përdoren nga Rama do të bëjnë ‘vetëvrasje‘ fatale.
“Rama po mban peng flamurin e PD, ata që i lejon vetes të përdoren nga Rama bëjnë një suicide fatale. Çdo deputet ka vendin në PD, nëse ndjekin Ramën është zgjedhje e tyre.
Jemi demokratë kemi tolerancë, nuk ka një parti ku kryetari të jetë i admiruar nga të gjithë drejtuesit apo anëtarësia.
Ju garantoj se mbesim të hapur ndaj të gjithë deputetëve të cilët i kanë qëllim fitoren e PD dhe jo të Ramës‘, tha Berisha.
