Ish-kryeministri Sali Berisha ka komentuar mbrëmjen e sotme situatën në PD dhe dështimin e negociatave për të dalë me një kandidat të përbashkët në zgjedhjet lokale.
I ftuar në RTV Ora, Berisha deklaroi se në rast se pala tjetër nxjerr kandidatë në zgjedhje dhe luan me logon e partisë, atëherë ai është argat i Edi Ramës
“Shumë janë duke u bashkuar me PD-në, por nëse dikush do të krijojë parti tjetër dhe mendon se me ndihmën e Ramës nxjerr kandidatë dhe luan me logon e partisë, ai është argat i Edi Ramës. Ata janë pakësuar shumë më tepër. Tani është e qartë se kush është shumica, sepse këta dëmtojnë kandidatët e PD-së.
Atyre u është afruar barazi e plotë me gjithë establishmentin e partisë, e drejtë kandidimi, dhe e drejta e fraksionit. Nuk ka forcë tjetër politike që zhvillon primare dhe ka fraksion. Nuk mund t’i sakrifikojmë primaret, pasi duhen mbajtur gjallë në një vend që po zhduket vota”, deklaroi Berisha.
