Sot Gjykata e Tiranës pritet të japë masën e sigurisë “arrest me burg” për Gert Shehun, 31-vjeçarin që dhunoi kreun e PD-së, Sali Berisha.
Seanca pritet të zhvillohet në Spitalin e Traumës, ku i riu ndodhet i shtruar.
Gazetari Eni Ferhati raportoi se Policia dhe Prokuroria kanë administruar edhe telefonin e 31-vjeçarit.
Bëhet fjalë për një telefon “Alcatel”, i cili i është gjendur në banesë 31-vjeçarit.
Pritet që telefoni t’i nënshtrohet një ekspertize për të parë se me kë ka komunikuar gjatë ditëve të fundit i riu.
Shehu është një person që vuan nga probleme të shëndetit mendor, por ka dyshimet që ai mund të jetë nxitur për të kryer veprimin ndaj kreut të PD-së.
