Kryetari i Partisë së Lirisë, Ilir Meta ka përkujtuar 555-vjetorin e vdekjes së Heroit Kombëtar, Gjergj Kastriot Skënderbeu.
Meta shkruan se Gjergj Kastriot Skënderbeu, është përcaktuesi vendimtar i përkatësisë europiane dhe sipas kreut të Partisë së Lirisë, do mbetet krenaria, frymëzimi dhe lavdia e shqiptarëve.
“Në 555-vjetorin e kalimit në përjetësi të Kryeheroit tonë Kombëtar, Gjergj Kastrioti Skënderbeu, “shqiptarit më të gjallë ndër shqiptarët e gjallë” nderojmë sot kujtimin dhe veprën frymëzuese të simbolit tonë më përbashkues në mbrojtje të lirisë, dinjitetit njerëzor dhe identitetit tonë kombëtar.
Përcaktuesi vendimtar i përkatësisë tonë europiane, Heroi ynë Kombëtar dhe i Europës së Bashkuar do të mbetet përherë krenaria, frymëzimi, fuqia dhe lavdia jonë”, shkruan Meta në rrjetin social Facebook.
