Ministri i Drejtësisë, Ulsi Manja u shpreh i bindur në një konferencë për mediat se ngjarja e 21 janarit 2011 ishte një krim shtetëror.
Sipas tij, 4 qytetarët që u ekzekutuan në protestë, u vranë me “armët e pushtetit”, teksa i bën thirrje drejtësisë për të zbardhur të vërtetën.
Manja tha se SPAK duhet të zbulojë se kush ishte ai që dha urdhërin për ekzekutimin e qytetarëve si dhe kush ishin ekzekutorët.
Manja: Ne nuk kemi patur dhe s’kemi pritur që drejtësia e djeshme të zbardhë të vërtetën e 21 janarit. Ajo që ne bëmë është reforma në drejtësi. Ne presim që kjo drejtësi të vendosë drejtësi për 21 janarin. Drejtësinë nuk e vendos qeveria, por sistemi i drejtësisë. Sot drejtësia e re qëë kemi, SPAK-u do duhet t’i japin përtgjigje. Janë në sprovën e së vërtetës që të tregojnë se janë të pavarur nga pushteti i radhës. Nuk ka të bëjë hetimi i deritanishëm i 21 janarit sikur është hetuar. Kemi dëgjuar që 21 janari është hetuar.
21 janari është krim shtetëror dhe nuk është hetuar si krim shtetëror. Edhe pse qytetarët u vranë me pushkët e pushtetit. Sot ka një provë të re. Tashmë është ora e drejtësisë së re të provojë me prova, në mënyrë objektive se kush e urdhëroi 21 janartin dhe kush ishin ekzekutorët. Protestat në këtë vend, që kur rrëzuam sistemin komunist, nuk mund t’i vrasë më njeri në këtë vend.
