Kuzhinieri shqiptar që u kap me drogë teksa po zbriste nga anija ku punonte deklaroi se ai nuk është kriminel ndërsa kërkoi falje në gjykatë për veprimin.
Mediat italiane shkruajnë se shqiptari u arrestua të hënën pas një kontrolli të bërë gjatë zbarkimit nga një anije nga Shqipëria. Ishte mëngjes kur 50-vjeçari me kombësi shqiptare, punonjës i të njëjtës anije me të cilin kishte udhëtuar, u ndalua me një çantë shpine mbi supe.
Në çantën e shpinës kishte 5 kilogramë heroinë, të mbyllura në një mbështjellës të vetëm. Një sasi e vetme e destinuar për një shpërndarës droge jashtë aeroportit por nga e cila shqiptari nuk mbërriti kurrë. Financuesit e ndaluan fillimisht duke e arrestuar me akuzën e posedimit të lëndës narkotike për trafik droge.
Pas prangave, ai u dërgua në burgun në Montacuto. I ndihmuar nga avokati Tommaso Rossi, ai iu përgjigj pyetjeve të gjyqtarit duke pranuar përgjegjësitë e tij.
“Nuk e di pse u solla kështu. Unë nuk jam kriminel, kam grua dhe fëmijë”.
Më pas ai kërkoi falje duke thënë se duhej t’ia dorëzonte atë çantë shpine një personi që e priste jashtë portit dhe se do të paguhej vetëm me dorëzimin e drogës, por policia u tregua më shpejtë se ai.
Policia tatimore po heton origjinën e drogës për të gjetur se kush mund ta ketë furnizuar dhe mbi të gjitha për kë do të dorëzohej sapo të mbërrinte në Ankona.
