Kreu i Partisë Demokratike, Sali Berisha tha në “Now me Erla Mëhillin” se sanksioni i tij ng Shtetet e Bashkuara të Amerikës është përgatitur që në vitin 2018-2019.
Sipas Berishës, një vendim i tillë për ta shpallur non grata erdhi pasi ai nuk pranoi të formonte një koalicion me Partinë Socialiste dhe u deklarua kategorikisht kundër.
“Unë e di që arroganca e atyre që kanë firmosur për non gratën time nuk lejon të kërkosh të falur, por unë kërkoj të më kërkojnë të falur. Unë kam durim,” – u shpreh Berisha.
Ndryshe, agjenti i FBI, Peter Lapp shprehet se ish-agjenti Charles McGonigal kishte fuqi të hartonte dosje për “Non Grata”,
Ai tha se McGonigal nuk kishte fuqi sa të hiqte një person nga lista e zezë, por thekson se mund të kishte ndikim në vendosjen e dikujt në listën e “Non Gratave” për SHBA.
