Në Kullën e kujtesës, memorialin e ngritur në Thumanë të Krujës, në nderim të viktimave të 26 nëntorit 2019, ndizen qirinj për jetët e humbura në Turqi dhe Siri.
Qirinjtë u ndezën në katin e fundit të Kullës ku ndodhet dhe një pemë ulliri, simbol i vazhdimësisë së jetës. Përmes fjalës Together-Bashkë, Thumana dhe bashkia e Krujës kanë përcjellë në këtë ditë zie mesazhin
“Nga Thumana për Turqinë dhe Sirinë, e njëjta dhembje, i njëjti solidaritet”.
Një përvojë dhe dhembje që Thumana e përjetoi 3 vite më parë me 24 viktima dhe sot ndjehet më shumë se kurrë pranë Turqisë mike dhe Sirisë në këtë fatkeqësi.
