Deputeti i Partisë Socialiste, Taulant Balla e konsideron si skandalin më të madh financiar, privatizimin e OSSH-së te kompania CEZ.
Në një intervistë për mediat dje, Balla u shpreh se OSSH u shit pa bërë një inventar duke mos ditur vlerën reale dhe se ryshfeti për këtë privatizim, u pagua nga një bankë e nivelit të dytë.
Sipas Ballës, një person i quajtur Nuel Nik Kalaj ka pasur komunikime me e-maile dhe telefonata.
Ai ka bërë sekserin mes ish-kryeministrit Sali Berisha, familjarëve të tij dhe kompanisë që fitoi privatizimin e kompanisë OSSH.
