Kryeministri i Shqipërisë, Edi Rama ka shprehur sot ngushëllime për personat që kanë humbur jetën si pasojë e aksidentit ndërmjet trenave në Greqi.
“Sa keq të dëgjosh për humbjen e jetëve dhe shumë të plagosur në aksidentin tragjik të natës së fundit në Greqi!
Ne ndjejmë dhimbjen e fqinjëve tanë të dashur në një orë kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”, ka shkruar Rama në Twitter.
32 persona kanë vdekur si pasojë e përplasjes së dy trenave në Larisa të Greqisë, ndërsa dhjetëra të tjerë janë lënduar.
