Ka nisur seanca në Gjykatën e Apelit me juridiskion të pergjithshem, ku do të merret vendimi se kush do të ketë vulën e PD, Berisha apo Alibeaj.Trupa gjykuese përbëhet Elona Mihali kryesuese ndërsa anëtarë do jenë Irida Kacerja e Astrit Kalaja.
Mësohet se gjatë seancës grupi i Alibeajt kerkon prishjen e vendimit ose kthimin e çështjes për rigjykim në shkallë të parë. Ndërsa Ivi Kaso, përfaqësuesi ligjor i Berishës kërkon që gjykata te mos e pranoje padinë sepse gjykata eshte vene ne levizje nga nje pale qe nuk eshte pjese e procesit.
Po ashtu Kaso kërkon që të asistohet në seancë edhe nga Oerd Bylykbashi dhe Ledina Mandia.
Ndërsa Grupi Alibeaj perfaqesohet në seancë nga Indrit Sefa dhe Rezart Kthupi.
“Vendimi i pranimit të ankimit nuk parashikohet në llojet e vendimeve përfundimtare dhe mund të deklarohet tani në gjykatë sipas kërkesës paraprake që parashtruam”, u shpreh Kaso.
Nga ana e tij përfaqësuesi ligjor i grupit të Alibeajt, Indrit Sefa u shpreh kundër kërkesës së Ivi Kasos.
“Nuk duhen bërë këto kërkesa. Nuk është momenti për këto pretendime në këtë fazë. Mendojmë që kjo gjykatë të shqyrtojë të gjitha elementet e saj. 5 ditë para kemi bërë shtesa të ankimit tonë, ku kemi bërë të ditur për ankesat dhe kërkesat”.
