Një aksident i rëndë u shënua mbrëmjen e sotme në rrugën e Arbrit në Gjoricë të Bulqizës. Një automjet tip Audi që po udhëtonte nga Maqellara në drejtim të Bulqizës u përplas me një mjet tip agregat në vendin e quajtur Ura e Drinit.
Siç duket nga pamjet, përplasja ka qenë e fortë pasi mjeti tip audi ka pësuar dëmtime të shumta.
Për pasojë drejtuesi i mjetit veturë ka mbetur i plagosur dhe është dërguar në spitalin Rajonal të Dibrës.
Por nga vendi i ngjarjes është larguar drejtuesi i mjetit tip zetor bashkë me të.
Policia e Bulqizës e cila mbërriti në vendin e ngjarjes ka nisur hetimet ndërsa është vënë në kërkim të mjetit bujqësor.
