Është prezantuar këtë të martë kandidati socialist për bashkinë e Vlorës para strukturave të PS Vlorë, Ermal Dredha.
Kandidati Dredha shoqërohej nga koordinatori politik i qarkut Blendi Klosi, kreu i PS së Vlorë Admir Malaj. Takimi është çelur nga koordinatori Klosi i cili vlerësoi figurën e Dredhës.
Sipas Klosi, garën socialistët nuk e kanë me kundërshtarët politikë pasi nuk flitet më për PD,rivalen historike të Ps.
Klosi ka vlerësuar kontributin e PS në mbarë vendin, ndërsa është ndalur dhe në investimet e qeverisë në Vlorë.
Kandidati Dredha është shprehur falenderues për strukturat socialiste që votuan emrin e tij, ndërsa konfirmoi gatishmërinë e tij për të qenë 24 në 7 pranë qytetarëve.
“Do të jem pranë qytetarëve të thjeshtë në qytet e në fshat”,-tha Dredha. Më pas takimi ka vijuar me dyer të mbyllura me porosi për fushatën që starton më 11 prill.
